پایگاه اینترنتی مذهبی مادحین
گوش دهید
حاج مهدی خادم آذریان - روضه حضرت ابوالفضل (ع)
00:00 00:00
برترین محصولات فروشگاه
اطلاعيه مهم سايت :
اولین سایت مذهبی دارای نماد اعتماد عضويت در خبرنامه مادحين

 آچ گوزلرووی گلمیشم امداده ابوالفضل

قارداشووی تک قویما بو صحراده ابوالفضل

اى شـیر قــوى پنجه باتوب قانه جمالون

قان پرده سی آلتیندا ایتوب هاشمی خالون

دیندیر منی احسان ائلمک اولسا خیالون

یا آچ گوزووی عاشق رخسارووه های وئر

بیر بوسه و یا قانلی گوزوندان منه پای وئر

وئرمزدی حسین بیر توکووی مُلک جنانه

جنت ائله سن سن کی باتوبسان بئله قانه

دنیانی اگر آختارالار خانه به خانه

همتا سنه هئچ عالیه انفاس اولا بیلمز

مین قارداش اولا هئچ بیری عباس اولا بیلمز

عرش اهلینه از بس کی آدون محترم اولدی

بو لشکر اسلامیده سهمون عَلَم اولدی

افسوس او عَلَم ساخلیان اللر قلم اولدی

عاشق تو که معشوقینه گوز یاش نه گوزلدی

قارداش باشی اوسته ئوله قارداش نه گوزلدی

ازبس توخانوب سینووه اوخ گوزگوزاولوبدى

گوز یاشیمه باعث ایکی قول بیر گوز اولوبدی

بیر سوز دانیش ، اولما آرامیزدا سوز اولوبدى

ظلمین قاباقین سدّ ائلین روحووه قربان

داغلی ئورگیم سینهٔ مجروحووه قربان

الله ائوزی شاهددی کی مردِ عملیدون

سردار قوی پنجه جنگ و جدلیدون

سوز یوخ کی آنوندان دوغولاندان گوزَلیدون

خوش حالووه عاشقلره ضرب المَثّل اولدون

قان یوز گوزووه آخدی بیر آزاداگوزل اولدون

بازار بلادور بورا سرمایه سی غیرت

غیرت سنه مدیونیدی ای روح شرافت

آسان اَلَه گلمز بو رشادت بوشجاعت

زهرایه قسم ای خلف قائد اقدس

قانونده مقدسدی مرامونده مقدس

اسلامه شرف وئردی سنون طرز حیاتون

قرآنی مُسجّل ائلدی صوم و صلاتون

بیلدون کی شهادتدی فقط راه نجاتون

علت اودى اولدون بــو یـولا نور هدایت

ای گوزلریمون نوری مبارکدی شهادت

سردار گرک سن کیمی شوریده سر اولسون

فرمانبر فرمان قضا و قادر اولسون

قوی گُل کیمی عمرون گوزلیم مختصر اولسون

چهرون کیمی واضحدی کی زیبا قمر اولماز

آی باتماسا اما آتام اوغلی سحر اولماز

آچ لبلرووی حظّ آپاروم باری سوزوندن

ایستور ائشیده مطلبی قارداشون ئوزوندن

کیم چکدی بو اوچ شعبه لی پیکانی گوزوندن

داغون چکیلن قلبیمی اوخ داغلیا بیلمز

غیرت گوزین هئچ زهرلی اوخ باغلیا بیلمز

چالما ال ایاق قلبیمی یاندیرما ابوالفضل

گوز یاشیمه دنیانی بویاندیرما ابوالفضل

قارداشووی میداندا اوتاندیرما ابوالفضل

غیرتلی شرفلی علی اکبر سنه قربان

اصغر آدین آز دی علی اصغر سنه قربان

غفاری اگر نوکر شاه شهداسن

ئوز دینووی ئوز سروروه ایله اداسن

اولسون شرف عشقه قسم یوخسا فنا سن

انسان اودی راضی اولا انسان عَمَلیندن

انسان دئمرم دوتماسا انسانون الیندان

.

توضیحات فایل :
زبان : ترکی شاعر : حسین غفاری نویسنده : مدیر سایت
  • تاریخ انتشار : سه شنبه 2 تیر 1394
  • تعداد بازدید : 7 بار
هر ایرانی یک سامانه پیامکی

 

  • ثبت نام و گرفتن پنل کاملا آنلاین می باشد.
  • عدم نیاز به خرید شماره اختصاصی
  • امکان دریافت اس ام اس
  • تعریف گروه های دفترچه تلفن و مخاطب برای هر گروه
  • برگزاری نظر سنجی اس ام اس
  • برگزاری مسابقات و قرعه کشی اتوماتیک
  • سازگاری کامل با زبان فارسی

 .