پایگاه اینترنتی مذهبی مادحین
گوش دهید
حاج مهدی خادم آذریان - روضه حضرت ابوالفضل (ع)
00:00 00:00
برترین محصولات فروشگاه
اطلاعيه مهم سايت :
اولین سایت مذهبی دارای نماد اعتماد عضويت در خبرنامه مادحين

ای تراب تیره دل، گنجینه تقوادی بو

زهره برج رسالت حضرت زهرا دی بو

 

سن صدفسن بو سنان در یتیم عصمته

سن قفس­سن محبس شهباز اوج همته

ساخلا راحت طعنه ویر بو امت بی غیرته

حرمت ایت،مختوم هاجر، مریم و سارا دی بو

 

بانوان دین دانشگاهینه استادیدی

بیر زن مرد آفرین چرخ بد بنیادیدی

افتخار بانوان عالم ایجادیدی

یکه تاز آسمان عصمت و معنا دی بو

 

خاطراتی محو اولونماز صفحه افکاریدن

عالمه ویردی تکان بیر نطق آتشباریدن

جان ویروب آخر ده بو ظلم در و دیواریدن

قوی دیوم واضح قتیل مجلس شورادی بو

 

سنده مدفون اولدی شهبانوی شاهنشان دین

دختر آزاده خوی رحمهٌ للعالمین

همچو دیبا اوستو قویدی گویرمیش صورتین

سینه دن زخمین مسمار خدنگ آسادی بو

 

شعله لرزان شمع دینه بو پروانه دی

عشقیله افسون اولوپدی فاطمه افسانه دی

بو یارالی حضرت پیغمبره ریحانه دی

کوره راه ملک عشقه خسته ره پیما دی بو

 

ای بقیعون توپراقی زهرا امانتدور منه

روز محشر مسترد ایله نجور وردیم سنه

قبری گوی ایتگین قالا ویرمه نشانه دشمنه

جان ویرن وقته منه بو نکته نی گویادی بو

 

خاک­ریز ایستر دی ایتسون قبر زهرانی او شاه

سپدی گرد سیمگون قبر بتوله گویده ماه

پیکرین آغوشینه آلدی نسیم شامگاه

سسلدی راحت یاتا قوی، دختر طاها دی بو

 

خاک­ریز ایتدی او دم قبر بتولی بو تراب

یوز توتوبدی گوئیا ماهه بیله لئتدی خطاب

بستر زهرایه سپدون گرد سیم ماهتاب

دختر پیغمبره بیر خدمت باجا دی بو

 

گرد مهتابیله اولدی بستری چون پر قو

چکدی آغوشه نسیم شب اونی چون آرزو

زخم مسمارین ایدر کیم سینه­سی اوستن رفو

سالها بولّم که جسم پاکینه ایذادی بو

 

ایتمیه تا قائم آل رسول الله قیام

آلمیه تا قاتل زهرادن اخذ انتقام

حشره تک تاگماز یقینا صدر زهرا التیام

گورنه بیر زخم عمیقه قبریده دارا دی بو

 

جان ویرنده ایستیوب پنها اولونسون مدفنی

ایلمه زهرا یانین دا شرمگین سنده منی

اولما راضی قبرینی تاپسون ستمگر دشمنی

سن اوزون یاخشی بولورسن کشته اعدادی بو

 

بو گئجه بیرده غروبه ایلمه اصلا شتاب

زینبه گوی چیره اولسون بو گئجه بیر لحظه خواب

صبح آچیلسا قلب محزونین توتار چوخ اضطراب

عصمت صغرادی زینب، عصمت کبری دی بو

 

کربلا ده سیریوین تاخیرینی جبران ایله

مغربه تز گیت بولود آتدا اوزون پناه ایله

ساربانی سعی قیل تا یولدا سرگردان ایله

توپراق آتدا مادر مقتول عاشورادی بو

 

تئز غروب ایت تا او چولده تازه­دنقان آخماسین

بو بلادیده گلوب بیر ظلم شومه باخماسین

اوز آغارمیش زلفینه خون حسینی یاخماسین

غنچه عشق حسینه بلبل شیدادی بو

 

تئز غروب ایت تا کول اوستونده کسیک باش یاتماسین

خنجریندن قان آخوب خاکستری ایسلاتماسین

خون و خاکسترله روی شاه عطشان باتماسین

سانماسین آی باتماقین مهر جهاان آرادی بو

 

قتلگاهه گلسه بیر قیز خیمه گهدن نصف شب

قتلگاهه سالما نورون ایت مراعات ادب

چون اوشاق قورخار تلالو ایلسه آلات حرب

موج اندوه حسینیمدن منه ایمادی بو

 

خیمه گهدن ایلینده زینب عزم رزمگاه

نصف شب سن اونا آچ نوریویله شاهراه

آختاران وقته قیزین سن ویر نشان قتلگاه

چون رضای مرتضی و حضرت اعلی دی بو

 

کیم توتا هادی، مقدم آل طاها خدمتین

گون به گون افسون ایدر حق رتبه­سین شخصیتین

اصغر خاقانیه حق شامل ایتسون رحمتین

چون تمنای اونیله واقفا انشادی بو

((هادی تبریزی))

.

  • تاریخ انتشار : پنج شنبه 14 اسفند 1393
  • تعداد بازدید : 1 بار
هر ایرانی یک سامانه پیامکی

 

  • ثبت نام و گرفتن پنل کاملا آنلاین می باشد.
  • عدم نیاز به خرید شماره اختصاصی
  • امکان دریافت اس ام اس
  • تعریف گروه های دفترچه تلفن و مخاطب برای هر گروه
  • برگزاری نظر سنجی اس ام اس
  • برگزاری مسابقات و قرعه کشی اتوماتیک
  • سازگاری کامل با زبان فارسی

 .