ای عاشق وارسته خطادن حذر ایله
پایگاه اینترنتی مذهبی مادحین
گوش دهید
حاج مهدی خادم آذریان - روضه حضرت ابوالفضل (ع)
00:00 00:00
برترین محصولات فروشگاه
اطلاعيه مهم سايت :
اولین سایت مذهبی دارای نماد اعتماد عضويت در خبرنامه مادحين

ای عاشق وارسته خطادن حذر ایله

پرونده ووین اوراقینه بیر یول نظر ایله

عاشق سن اگر فاطمه فخر النجبایه

زهراکیمی تقوا شجرین بارور ایله

عقلین اتگین بوشلا یاپوش دامن عشقی

عشقین اتگین دوت ئوزووی بختور ایله

آگاهی و تقوایه مسلح ایله نفسی

شخصیتووین مدرکینی معتبر ایله

گورسون بیری ایمان عوضینده قیزیل آلدی

سن مصلحتاً باخما طلایه ضرر ایله

تبدیل اولار آهنه بیر گون بو قیزیل لار

سن مفرغ ایمانووی سعی ایله زر ایله

سیل گوزلرووی یاتما هله دشمن اویاقدی

عباسین آدین ریشه ی کفره تبر ایله

هر کیم بو قرا پرچمه چپ باخسا ، حسینچی

قورخما اونی شیطان کیمی رَمی جَمَر ایله

مندن بو سوزی ویر خبر اصحاب فرنگه

جاهل لری بیدار ایله صاحب بصر ایله

اصلاح نظاموندی نه اسلام حنیفون

اصلاح گرا آنلاماسا باخبر ایله

اصلاح ایلمک فکرون اگر اولسا یوبانما

ظالم اوتوران مسندی زیر و زَبَر ایله

زائیده تبعیضیدی بو مُعضل فحشا

دقت بو آغیر مسئلیه بیر قَدَر ایله

فقر اولماسا تأمینیدی ناموس تشیع

آچ سینووی ناموس فقیره سپر ایله

انصاف ایله ای صاحب کرسی صدارت

بیر قدرده وضع فقرایه نظر ایله

بو مملکتین آل نظره شان و وقارین

آز ملتی ئوز ثروتووه باربر ایله

ئورگتمه جوانلاریمیزه شیوه غربی

ویر درس فتوت بولاری شیر نر ایله

هاردان پول آلوب گلدی بو کالای مخدر

گور صرف ایلسه باغلا یولون دفع شرایله

ایستورسن اگر باغلیاسان مرز فسادی

مرز اوسته بسیجی لری سن مستقر ایله

خوش گلمسه اما سنه بو شرح مصائب

گیت ئوز یولووی دینی فنا بیشتر ایله

تشویق ایله ترویج اولا فرهنگ اجانب

اسرائیلی ایرانیده صاحب نظر ایله

مظلوم فلسطینه گیدن وقتیده سنده

غارت ایله خلقی عتباته سفر ایله

صادر ایله واردی نقدر سنگ معادن

ایران نظرونده بیوک اولسا قطر ایله

الله سوزی رحمت ایلسین پیر خمینه

صلوات دِی چرنیل سَپَنی خونجگر ایله

اسلامی محرم دیدی حفظ ایلدی تنها

مشهوریدی اسلام عَلَمی مُشتَهر ایله

قاره علمین سایه سینه آغ گونه چیخدوق

گِی اگنوه قاره ئوزووی مفتخر ایله

تحقیریله باخما بو عزادار حسینه

حرمت ایلمک فکرون اگر وار بَتَر ایله

قویسا ایاقین هر یره بو قاره گینلر

چک گوزلروه تپراقی کحل البصر ایله

تحقیق ایلیوب دقتیلن جد و نژادین

عباس یازوبدور بولارین دفتره آدین

عباس نه عباس قوی هیکل و رعنا

اون دورت گیجه لیک آی کیمی سیماسی دلآرا

گوزلر ایری کیپریکلری نیزار شرافت

شمشیری کیمی قاشلاری شمشیر دو پهنا

بازولری فولاد کیمی راسخ و محکم

سرپنجه لری پنجه مرگ آور عنقا

ای عاشق وارسته و سرمست ابوالفضل

فکر ایلمه پرقدرتیدی قوللاری تنها

هیچ شعره سجایا و کمالاتی سیغیشماز

شوریدی ایاقدان باشا عشقیدی سراپا

کیم علمینه دریا دئسه عباسی کیچیلدر

اما نه یازاق بیزلره معیاریدی دریا

تشریح معارفده فقیهیدی مُبَرَز

احکام و مبانی ده سخن سنج توانا

حیدرکیمی سجاده نون اوستونده اَسَردی

میداندا ولی شیر قَدَر قدرت هیجا

طاهایه مطابق حرکات و سکناتی

حاتملری ایلردی کراماتیده رسوا

دریای کرم کوه شرف گنج نجابت

تعریف ابوالفضلیدی ناپخته دی اما

شاعر نجه بیر شعر برازنده یازاندا

ایلر هامی دان یاخشی ئوزی شعرینی معنا

عباسی گرک ئوز آتاسی ایلیه تعریف

هاردان بیلروک بیز ندی شخصیت مولا

شمشیر ووران وقتیده میداندا حریفه

از بس اوجا تکبیر دیَردی او دلآرا

بیلمزدی بیری وحشت تکبیریدن ئولدی

یا ووردی اونون شاهرگین خنجر برا

الله ئوزی لطف ایلسه بو عبد حقیره

تشریح ایلرم منظره جنگینی زیبا

شرطی بودی اما گوزل عباسینه خاطر

بیر طفل مثالینده الیمدن دوتا زهرا

میدانه گیدن وقتیده عباس دلاور

بیر منظره محشردن اولوب دشتیده برپا

ذهنونده او طوفانی مجسم ایله سنده

حاشا گوره بیر کس ایله بیر صحنه ی دعوا

زین اوسته گوروبلر اوتوروب کوه صلابت

لشکر ملک الموتی گوروب عرصه ده گویا

پیشانی سی برجسته علامت علویدن

حیدر کیمی بازولری پر زور و توانا

احسن دِی بو تشبیهه کی مجلس اولا پر شور

هرچند کی بی لکه دی ذریه زهرا

اما ایله بیل آیدا بلوط لکه سی واردی

از بس کی اونون آلنین ئوپوب مُهر مصلا

ابرولری بیر نحویله باش باشه چاتوبدی

گویا کی ویروب ال اله طاها و مسیحا

بیر نوعی حکیمانه باخور لشکره گویا

استاد گلوب طفله ویره درس الفبا

شیر عربستاندی گیوب جوشن رومی

کتفنده سپر ، باشدا کُلَه خود مطلا

گرز و تبر و نیزه و شمشیره مسلح

دعوا اَدواتین ایلیوب جنگه مهیا

مرکب دیمه بیر بَبریدی گویا کی اولوب رام

هر بیر قدم آتدوقجا گلور لرزیه صحرا

تضعیف ایلیوب لشکری ، جاه و جبروتی

روحیه لرین الدن آلوب هیبت مولا

اشراره غرض اولدی مقابل شرف الناس

سعداوغلونا یوز دوتدی خطاب ایلدی عباس

بو غائله دن سیزلره کسب ثمر اولماز

انسان بو قدر سیز کیمی کوته نظر اولماز

سرمایه ایمانوزی تاراجه ویریبسوز

بوندان بشره بیلسوز آغیر بیر ضرر اولماز

رهبر ایله دوز امته سگ باز شروری

مست ایلمسه هر گیجه دئیلر سحر اولماز

اسلامی سالوب پیچ و خمه فقر و فلاکت

رهبر بو قدر امته نادادگر اولماز

آیا بونی درک ایلمیورسوز کی زناکار

اسلامه خیانت ایلیر راهبر اولماز

بیر سر نهان حجیده وار رَمیِ جمرده

حجاج اونی بیلمسه حج معتبر اولماز

معناسی بودی دشمن دینی داشا باغلا

یوخسا ایله داشدان داشا رَمیِ جَمَر اولماز

آی نامه یازاتلار هانی بس قول و قراروز

سیزلرده وفا یوخدی سوزوزده اثر اولماز

ایو صاحبینون ذره اگر غیرتی اولسا

مهمانلاری چوللرده سوسوز دربدر اولماز

گهواره ده الان چوبالور تشنه دی اصغر

بیرجرعه سو اولسا آناسی خونجگر اولماز

من عترت زهرایه کمربسته غلامم

سینم کیمی قارداشیمه محکم سپر اولماز

قوللاریمی وقف ایلمیشم عشق حسینه

جانیم اونا قربان ، ایله قابل بشر اولماز

هر قیمته اولسا آلارام نهر فراتی

مانع منه بو ایشده اوتوز مین نفر اولماز

گلسین قاباقا کیمده اگر واردی شجاعت

گورسین کی علی اوغلی بدون هنر اولماز

هر گردنه سر پنجه پر زوریم ایلیشسه

مین رهگذر اولسا اونا راه گذر اولماز

میدانیده مین نیزه اگر لشکره آتسام

مین سیئه نی دَللَم بیری میندن هدر اولماز

چوخ مرکبه میدانیده میندیم بِلی سیندی

اما بو عقابیم کیمی هیچ همسفر اولماز

هر کیمسیه قالخوب ایاق اوسته وورا ضربه

اولده چیخار جائی اونون جان بسر اولماز

هر سوزدیدی دوز چیخدی علینون گوزل اوغلی

گوردی اونا میداندا حریف قَدَر اولماز

ووردی ئوزینی صاعقه تک لشکره عباس

سعداوغلی گوروبدی ایله بیر حمله ور اولماز

گویا کی بیچور هرز علفی داس دروگر

هیچ باش بدن اوستونده قالوب مستقر اولماز

دریا نجه طوفانی اولاندا هامی قورخار

دوشسین سویا بیر کسده او موقع هنر اولماز

میداندا قوشون بیر ایله احواله قالوپدی

طوفانه مقابل اولا هیچ خیره سر اولماز

باخسون یره یا باشدی دوشوب پیکری یوخدی

یا تاپسون اگر پیکری اوستونده سر اولماز

فرصت تاپا بیلمور بیری قاچسین قاباقندان

یوخ چاره اگر قاچماسا باشدان خبر اولماز

گاهی دولانور تله باخور چیگنیتون اوستن

چون باخماسا نخل هدفی بارور اولماز

هر دم دیور آهسته حسین جانوه قربان

گرچه گونه لایق اولا قربان قمر اولماز

قویدی ایاقی آلتدا غرض دشت و فلاتی

تسخیر ایلدی نهر خروشان فلاتی

بیر قدری باخوبدی اوجا یردن سویا ساری

غیرت هیجان گتدی اولوب گوز یاشی جاری

قیزلار ملشوللر عطشیندن دیدی ای سو

الان ایلیوللر هاموسی لحظه شماری

تز مشگیمه دول سال یولا سقانی یوباتما

سندیرما ربابین قاباقندا سنی تاری

آخما بو قدر نعره کشان دشت و فلاته

اخیامیده یاندیردی عطش روحِ بهاری

گُلدن نه گوروبسن کی قویوبسان گلی تشنه

سیراب ایلیورسن بو بیابانیده خاری

مِهریه زهراسن اوتان اوغلی سوسوزدی

وارث لر الیندن بو قدر اولما فراری

ای کاش اُریدیدی منی غیرت سو اولیدیم

بوردان یول آلاردیم سوزولم خیمیه ساری

قیزلار ایچه باهم دیه احسان ابوالفضل

محفوظ اولا سقالیقیمون شان و وقاری

دولدوردی غرض مشگینه سو ساقی صالح

لب تشنه چیخوب قصد ایلدی کوی نگاری

گوردی قیدیبلر گنه میدانه ، قاچانلار

احساس خطر ایلدی شاهین شکاری

بیر مشگه باخوب بیرده دونوب گویلره باخدی

عرض ایلدی رحم ایله منه ای حق باری

شاهد سن ئوزون تشنه لیگیمدن یانورام من

بی تاب ایلیوب لبلریمون سوز شراری

آتشدی کانه نفسیم سینمون اوسته

آرتور بو یانان قلبیمون هر لحظه فشاری

آهن زرهیم کوره آهنگره بنذر

خورشیده اوقدری ایلیوب آینه داری

مشکللر آچان اوغلی قالوب مشکل ایچنده

دشمن دایانوب گوز گوزه باری ایله یاری

سن بیل او حیالی ننمون حجب و حیاسی

اون سگیز ائیل اولدی شرفین تعزیه داری

الان نجه مردانگی دنیاده ایتوبدی

زهرا ننمونده ایله ایتگیندی مزاری

سن بیل او عبایه بوکولن قانلی جنازه

ئولدور ولی خوار ایلمه بو درده دچاری

چوخ گورمه بو مشگی منه خاطرلره خاطر

گهواره ده گوزلور منی لب تشنه قناری

اولسیدی اگر گوز یاشی چایلارکیمی شیرین

ایلردیم او قدری گوزیمون یاشینی جاری

مشکیم دولوسی گوز یاشی قیزلاره ویرردیم

نیلوم گوزیمون گوزیاشیدور دار و نداری

ترک ایله قلم عالم شیرین خیالی

هرچند که شیریندی خیال عالمی آری

عالم اولا قربان او علمدار رشیده

محنت لری یاندیردی اونون هشت و چهاری

عاشق سن اگر سنده باش آچ سینووی داغلا

معلوم اولونار اشکیده چون عشقین عیاری

چیگنینده سو مشکی قالوب آواره ابوالفضل

گویا ایتیروب گویده قمر ، سمت مداری

هر سمته باخورنیزه ووراندی اوخ آتاندی

یول خیمیه یوخدی کسیلوب راهِ گذاری

احوالینه گویلرده ملک لر سینه داغلور

غیرتلی آقامدا باجیسی زینبه آغلور

الله ئوزی شاهددی او چولده نه لر اولدی

اوخ مشگینه دگدی سو جالاندی هدر اولدی

بیربیر کسیلوب حیدرئوپن قوللاری دوشدی

نه ساقدا کَسَراولدی نه صولدا سپر اولدی

بیلمم کی قضا و قدرین نقشه لریدی

شاید ده او قدری گوزلیدی نظر اولدی

بیر حادثه یوز ویردی او سردار غیوره

جناتیده زهرا ننه سی خونجگر اولدی

اوچ شعبه لی بیراوخ پرآچوب چیخدی کماندان

من اوخ دیدیم اما هدفینده تَبَر اولدی

بیلمم او سه پر اوخ نجه اگلشدی هدفده

قول چیخدی یادیندان گوزی قولدان بَتَر اولدی

گوردی قوجالار زینب ، اونی گورسه او حالدا

اخیامیدن علت اودی صرفنظر اولدی

قولسوز ئوزینی مرکبین اوستن یره سالدی

آی یرده کانه گورونوب جلوه گر اولدی

فکر ایلمه ئوز یاره سینون فکرینه قالدی

بیر سوز دیدی عشقین سَنَدی معتبر اولدی

سسلندی حسین گوزلریم اولسون سنه قربان

افسوس کی هدیه م آقاجان مختصر اولدی

باشون ساغ اولا هر نه واریدی گیدوب الدن

قوللار قوشولوب ساغ گوزومه همسفر اولدی

نیلوم ندی چاره م الیم الدن ئوزولوبدی

شرمنده لیک آخر منه بیر دردسر اولدی

اَل یوخدی دیَم بیر الی بوش نوکروم من

حشره کیمی بو غم منه آتش اثر اولدی

امکانون اگر اولسا یوبانما ئولوروم گل

قوی هامی دیسین نوکره باخ بختور اولدی

گَلسون ولی چوخ گزمه بو دشتی منه خاطر

شاید سنه بو لشکر اَلیندن خطر اولدی

وار قارداشوون مقتلینون عمده نشانی

باخسون گوره جکسن گوزووه جلوه گر اولدی

زیبا گوزووی علقمیه ساری دولاندیر

هاردان اوجالان گورسون اگر نیزه لر اولدی

قارداشووی بیل اوردا وروللار آتام اوغلی

گنج گلسون اگر نقشه لریم بی ثمر اولدی

«غفاری» بو شعری سنه زهرا صله ویردی

هر بیتی اودور کیچدی هنردن گُهر اولدی

هرچند کی آلتمیش گئجه گوندوزایش آپاردی

اما گینه عباسه گوره مختصر اولدی

ئوپ دفترووی شکر ایله سبحان کریمه

قورتار سوزی دور باشلا نمازه سحر اولدی

عمرون نقدر وار رفقایه ایله حرمت

شاید اولارون بعضی سی سندن کدر اولدی

اون ائیلدی دیور ئوز گوزووین نوری «شهامت»

یاز سیف بنی هاشمه بیر شعر شجاعت

((حسین غفاری))

.

توضیحات فایل :
زبان : ترکی شاعر : حسین غفاری نویسنده : مدیر سایت
  • تاریخ انتشار : دوشنبه 1 تیر 1394
  • تعداد بازدید : 1 بار
هر ایرانی یک سامانه پیامکی

 

  • ثبت نام و گرفتن پنل کاملا آنلاین می باشد.
  • عدم نیاز به خرید شماره اختصاصی
  • امکان دریافت اس ام اس
  • تعریف گروه های دفترچه تلفن و مخاطب برای هر گروه
  • برگزاری نظر سنجی اس ام اس
  • برگزاری مسابقات و قرعه کشی اتوماتیک
  • سازگاری کامل با زبان فارسی

 .