پایگاه اینترنتی مذهبی مادحین
گوش دهید
حاج مهدی خادم آذریان - روضه حضرت ابوالفضل (ع)
00:00 00:00
برترین محصولات فروشگاه
اطلاعيه مهم سايت :
اولین سایت مذهبی دارای نماد اعتماد عضويت در خبرنامه مادحين

نیلورم ثروت و سرمایه حسین نوکریم

اگمرم باش ایکی دنیایه حسین نوکریم

ائشیدن لحظه حسین آدینی روحیم دیریلر

حاجتیم یوخدی مسیحایه حسین نوکریم

او شهه تشنه دی شانیم شرفیم منزلتیم

او شهون کیپریگینه باغلیدی جان و جهتیم

اودی عشقیم اودی مشقیم اودی ذات و صفتیم

بیر توکون ویرسم ایکی عالمه یوخ معرفتیم

عارفم حسن دل آرایه حسین نوکریم

نه فقط بنده غلامم او شه تشنه لبه

جبرئیلون جانی نوکردی او معنا نسبه

بیرده باخ ماه بنی هاشم او شیر عربه

گورنجه الده امان نامه گلن بی ادبه

دیور ای رذل فرومایه حسین نوکریم

سن دین شه شرف و مرتبه دن دوریدی دور

اونی بو مردمه سلطان ایلین زوریدی زور

من حسینه دیرم شه که حسین نوریدی نور

خاک نعلینین اوپوب فخر ایلین حوریدی حور

من وزیر اولمارام ادنایه حسین نوکریم

سن دین رهبر ئوزی فتنه دی روباه ئوزید

منی گمراه ائلمز حیله سی گمراه ئوزیدی

من دین رهبری تعریف ایدن الله ئوزیدی

ئونی مفتون ایلمز ماه فلک ماه ئوزیدی

والهم منده او والایه حسین نوکریم

سن دیورسن پوزا قرآنی عدم منده باخام

باش آچیب خیردا خانملار چکه هو منده باخام

آلتی آیلیق بالانی یاندیرا سو منده باخام

قارداشیم ایلیه قانیله وضو منده باخام

اوتان ای ارزل کم مایه حسین نوکریم

سن دیورسن که فراموش ائلیم اصغری من

تاپشورام حرملیه قمری نازک پری من

تک قویام عرصه ده شاهنشه بی لشکری من

شمره تسلیم ائلیم عترت پیغمبری من

ویرمرم تن بو تمنایه حسین نوکریم

دینن اربابیوه ای رذل که آتسون داشیمی

فاطمه اوغلونا من ائتمیشم اهدا باشیمی

ایده ممکندی جدا نیزه گوزومدن قاشیمی

ایده بیلمز ولی مندن آیرا قارداشیمی

دئمیشم حضرت زهرایه حسین نوکریم

بو اوشاقلار که گلر کعبه زیارتلرینه

گل باخا آغزی آچیخ نظم و نزاکتلرینه

حیفیدور لکه دوشه روح عطوفتلرینه

تا وارام توز قونا بیلمز سر و صورتلرینه

دئمیشم عترت طاهایه حسین نوکریم

ترک ایدب قاصد اهریمنی اول ماه عرب

محضر شمس هداده ایلدی عرض ادب

دیدی ای شه که ثناگودی سنه روزیله شب

فیض عشقوندن اولار بحر تعب بحر طرب

عاشقم منده بو معنایه حسین نوکریم

قویارام کسون ایکی پنجه می بدخواه آقا

قویمارام لیک رقیون چکه بیر آه آقا

سنه قرباندی سر و جان و زر و جاه آقا

کیم سنه باخسا ائدر سیر الی الله آقا

گلمیشم منده تماشایه حسین نوکریم

پرآچوب عشقویلن عرشیده جولان ایدرم

مست اولوب قوللاریمی هدیه  عدوان ایدرم

آتسالار گر سنه اوخ آلنیمی قلخان ایدرم

یوز جانیم اولسا یوزونده سنه قربان ایدرم

سلطان اولسامدا ثریایه حسین نوکریم

ایتدی تایی او سوزی رزمگه واهمه خیز

یتیشیب اوجه کشاکش قیزیشیب جنگ و گریز

گود حلقوم عدودن قان ایچیب نیزه ی تیز

خنجرین قابض الارواح ایدوب اول مرد ستیز

سس سالیب عرصه ی هیجایه حسین نوکریم

حیف بر ویرمدی اول جرات بی مثل و مثل

گوردی عرش اهلی دوشوب تپراقا بیر شیر جدل

نه گوزی صافدی نه آلنی نه ساغ ال وار نه صول ال

تیتریور لبلری اما دیور ای پیک اجا

حمد اولا حضرت یکتایه حسین نوکریم

ای اجل پیکی او قدری منه بخش ایله مجال

که باشیم اوستونه گلسین شه فرخنده خصال

بیر نظر عارض مولانی گوروم جانیمی آل

او باخیش جانیمه جاندی او جانا یوخدی زوال

داخلم دولت ابقایه حسین نوکریم

سمع سلطانه یتیب زمزمه و ذکر وزیر

گلدی بالینینه اول حضرت بی شبه و نظیر

گوردی بیر پیکره مین نقشه سالیب خنجر و تیر

آیریلیر عضولر اما دیور آهسته او شیر

باخمیون آیریلان اعضایه حسین نوکریم

باشینی آلدی دیز اوسته دیدی اولام سپرون

روحیمون طایری سن حیف اولا کی یوخدی پرون

داغیلیب جان حسین تپراقا یا عضولرون

من شرمنده ائدور سیرت و لفظ و نظرون

یازوسان قانیله صحرایه حسین نوکریم

جنگیده دگسه باشا خنجر خونپاش یری وار

ولی بو باشدا برادر نقدر داش یری وار

دیدی دوغرانسا بو باش مین یره قارداش یری وار

دلبرا عشقون اولان یرده مگر باش یری وار

حاجتیم یوخ سر و سیمایه حسین نوکریم

دیدی افسرده دی حالون بو نه افغاندی آقا

آغلاما سختیدی نوکر گوره گریاندی آقا

باش ندی قول ندی عشقون جانیما جاندی آقا

کیش هفتاد و دو ملت سنه قرباندی آقا

بالاخص من که ذوی الایه حسین نوکریم

چوخ باخیب ساغ گوزومه آه چکورسن علنی

خیردا بیر تحفه دی گوز ایلمه شرمنده منی

من گوزی ایستمورم ایستورم ای شاه سنی

دولانیم قوی باشیوا مکه کیمی ای مدنی

سس سالیم مسجد الاقصایه حسین نوکریم

نیه حسرتله باخورسان بو نه حالتدی آقا

یاریلیب آلنیم اگر عین سعادتدی آقا

بو گوزومدن دین اوخ روحیمه منتدی آقا

گوز قالا مشک گیده مایه ی خجلتدی آقا

دوشمرم ننگیلی غوغایه حسین نوکریم

.

توضیحات فایل :
زبان : ترکی شاعر : عسکر شاهی اردبیلی نویسنده : مدیر سایت
  • تاریخ انتشار : یکشنبه 15 شهریور 1394
  • تعداد بازدید : 5 بار
هر ایرانی یک سامانه پیامکی

 

  • ثبت نام و گرفتن پنل کاملا آنلاین می باشد.
  • عدم نیاز به خرید شماره اختصاصی
  • امکان دریافت اس ام اس
  • تعریف گروه های دفترچه تلفن و مخاطب برای هر گروه
  • برگزاری نظر سنجی اس ام اس
  • برگزاری مسابقات و قرعه کشی اتوماتیک
  • سازگاری کامل با زبان فارسی

 .